Закрыть
Логин:
Пароль:
Забыли свой пароль?

Войти    

Тыва Республика бюджедин башкарар талазы-биле шынары экижээнин Россияның саң-хөө яамызы бадыткаан

Тыва Республика бюджедин башкарар талазы-биле шынары экижээнин Россияның саң-хөө яамызы бадыткаан 29.09.2015
 Россия Федерациязының Саң-хөө яамызының албан езузунуң сайтызында 2014 чылда регионнарның саң-хөө башкарылгазының шынарынга үнелелдиң түңнелдерин парлаан.
 Россияның Саң-хөө яамызының демдээ-биле, 2013 чылда регионнуң саң-хөөзүн башкарар талазы-биле куду шынарлыг субъектилер бөлүүнче республика кирип турганын сагындыраал. Саң-хөөнү башкарарының шынарынга демдекти үндүрерде РФ-тиң субъектизиниң ажыл-чорудулгазының элээн каш көргүзүглеринден, ооң аразында Тыва Республиканың Чазааның база Россияның Саң-хөө яамызының аразында Дугуржулгаларның негелделерин күүсеткенинге анализти, РФ-тиң Президентизиниң «май» чарлыктарның күүселдезин, күрүне өнчүзүн эргелеп-башкарганын, бюджеттиң орулгалыг кезээн көдүдеткенин болгаш чарыгдалдар кезээн кызырганын көөр. 
  2014 чылдың түңнелдери езугаар Тыва Республика бюджет чорудуунуң организациязын база бюджет хүлээлгелерин башкарарын чогуур шынарда боттандырганын, Россияның Саң-хөө яамызының үнелел берген түңнелдери-биле бадыткаан. 2014 чылда РФ-тиң субъектилериниң регион акша-хөреңгилерин башкарары-биле II чергениң шынарын тывыскан черлерниң саны 46 турганындан 54 четкен. 
 Чедип алдынган деңнел бар-даа болза, эргелеп-башкарылганың дараазында угланыышкыннарынга шынарны бедидер курлавырлар республикада бар: бюджеттиң программа тургузуун көвүдедири, күрүне чагыының күүселдезинге контроль, чарган шынарлыг керээлерниң санының көвүдээни база бюджеттиң өрелениишкинин эвээжедири.

Возврат к списку