Закрыть
Логин:
Пароль:
Забыли свой пароль?

Войти    

Тывада Күш-ажыл кижизиниң чылының түңнелдери-биле Тыва Республиканың Күш-ажылдың Маадырын илередир

Тывада Күш-ажыл кижизиниң чылының түңнелдери-биле Тыва Республиканың Күш-ажылдың Маадырын илередир 09.01.2019
Тывага 2019 чыл Күш-ажыл кижизиниң чылы демдек-биле эртер. Тыва Республиканың Баштыңы Шолбан Кара-оол 2018 чылдың декабрьда Дээди Хуралга берген Айыткалында чылдың кыйгырыын чарлаан. 
Чылдың бирги ажыл хүнүнде, Шолбан Кара-оол яамылар болгаш ведомстволар удуртукчуларынга бодунуң адырында ажылчын кижилерни алгап-мактаарының хевирлерин ажылдап кылыр даалганы берген.  
«Чаа үнген чылда, Күш-ажыл кижизиниң чылында, ажылдап билир болгаш күзелдиг кижилерге даяныр апаар бис – деп, Чазак Даргазы бодунуң блогунда демдеглээн. – Бөгүн, шупту яамыларга болгаш ведомстволарга, бодунуң адырында Күш-ажыл кижизиниң дугайында дүрүмнү ажылдап кылгаш, бадылаар даалганы бердим. Анаа-ла ындыг мөөрейлерниң ажыы чок деп, кичээнгейни дораан угландырдым. Күш-ажылдың кижизин чедиишкинниг болгаш үре-түңнелдиг чедимчелиг кижи кылдыр көргүзүптер үнелелдиң боттуг, шынныг арга-хевирлери херек. 
Күш-ажыл кижизиниң чылында, бүгү назынында ажылдап чоруур кижилерни аңгы-аңгы хевирлер-биле алгап-мактап демдеглээр бис. Чылдың түңнелдери-биле Тыва Республиканың Күш-ажылдың Маадыры атка төлептиг кижини илередип эккээривиске бүзүрээр мен.
 Ам кол чүве – бистиң ниитилелде болгаш республикавыста күш-ажылга сонуургалды оттуруптар механизмнерни тургузары эң кол. Чедимчениң болгаш байлакшылдың үндезини чүгле күш-ажыл деп чүүлдү аныяктар ортузунга нептередир. Тыва Республиканың Чазааның бирги хуралында ол айтырыгга дискуссияны экономика яамызы эгелээрин саналдап тур мен».

Возврат к списку