Закрыть
Логин:
Пароль:
Забыли свой пароль?

Войти    

Россияның Президентизи дорт эфир үезинде чоннуң айтырыгларынга харыылаар

Россияның Президентизи дорт эфир үезинде чоннуң айтырыгларынга харыылаар 20.06.2019
2019 чылдың июнь 20-де, Москваныы-биле 12.00 шакта, «Первый», «Россия 1», «Россия 24», «НТВ», «ОТР», «Мир» телеканалдарның, «Маяк», «Вести FM» база «Радио России» радиостанцияларның дорт эфиринге «Владимир Путин-биле дорт шугум» деп чылдың эртип турар тускай программа болуп эртер. Россияның Хөй-нииити телевидениезиниң (ОТР) эфиринге сурдоочулгалыг дамчыдылганы көргүзер.
Россия Федерациязының Президентизи чылдың-на российжилерниң айтырыгларынга харыы берген дорт харылзаа дамчыдылгазын эрттирери чаңчыл болу берген. 2001 чылдан 2019 чылга чедир дорт харылзаа 17 дугаар эртип турар (2004 база 2012 чылда программа эфирже үнмээнин сагындыраал). Чон чурттуң ниитилел-политиктиг база социал-экономитиг амыдыралы, делегей байдалы дээш өске-даа айтырыгларны сонуургап турар. 
 Дорт харылзааже үнер аргалар:  
1. 8–800–200–40–40 дугаарже долгаар. Медээлер чыыр чаңгыс төпче Россияның кайы-даа булуңундан долгап болур. Хоорай болгаш мобильдиг телефоннардан долгаары халас. +7–499–550–40–40, +7–495–539–40–40 телефоннар дугаары-биле Төпче даштыкыдан база долгап болур. 
2. SMS- база MMS-дыңнадыгларны 0–40–40 дугаарже чорудар. Харылзааның российжи операторларының телефоннарындан чүгле дыңнадыглар хевирлиг айтырыгларны чорудар. Дыңнадыгны чорудары халас. Айтырыгны чүгле орус дылга салыр, ооң хемчээли 70 демдектен көвүдевес ужурлуг. 
3. «ВКонтакте» база «Одноклассники» социал четкилерниң ажыглакчыларындан Президентиге сөзүглелдиг болгаш видеолуг айтырыгларны хүлээп турар.  
4. «Москва – Путину» база «ОК Live» капсырылганың ажыглакчылары эфир үезинде студиядан дорт харылзажып болур. «Москва – Путину» албан ёзунуң мобильдиг капсырылгазы июнь 9-тан бээр айтырыгларны хүлээп турарын сагындыраал. 
5. moskva-putinu.ru (москва-путину.рф) сайт таварыштыр бодунуң айтырыын база салып болур. Июньнуң 9-та 8.00 шактан эгелеп (Москва шагы-биле) дорт эфирниң айтырыгларын хүлээп эгелээн.
Июнь 20-де программа төнгүжеге чедир Медээлер чыып ажылдаар төп ажылын уламчылаар. Дорт дамчыдылга үезинде эң чугула болгаш чидиг айтыыгларны Президентиге салыр. Дамчыдылганың башкарыкчылары чамдык айтырыгларны салыр болза, а өске артканнарын российжи улуг хоорайларда телетөптер таварыштыр чорудар. 
Бо чылын “Дорт шугумну” Павел Зарубин база Елена Виник башкарып эрттирер. Татьяна Ремизова база Наталия Юрьева модераторлар болур. 
Ам эртер “Дорт шугумнуң”, ооң мурнундагы программаларның архивиниң, Медээлер чыып ажылдаар чаңгыс төп-биле харылзажырының дугайында тодаргай тайылбырны moskva-putinu.ru (москва-путину.рф) сайтыдан билип ап болур. 
«ВКонтакте» база «Одноклассники» социал четкилерде – vk.com/moskvaputinu база ok.ru/moskvaputinu албан ёзунуң бөлүктери ажылдап турар. 
 www.kremlin.ru, moskva-putinu.ru медээлери-биле

Возврат к списку